«Այժմ մենք հատակում ենք, տնտեսության վերջն է, տնտեսություն չկա»,- նոյեմբերի 7-ին Կովկասյան աշխարհաքաղաքական ակումբի կազմակերպած ռուս-հայկական կլոր սեղանի ընթացքում ասաց տնտեսագետ Վահագն Խաչատրյանը:
Նրա խոսքերով՝ փակուղային իրավիճակ է ստեղծվել եւ իշխանությունը պետք է որոշի Հայաստանի տնտեսական զարգացման մոդելը. «Երկու ելք կա, իշխանությունը պետք է ինֆլյացիան բարձրացնի՝ օգնելով արտահանողներին, ինչպես դա արել է Ռուսաստանը: Միշտ տնտեսությունում այդպես է, եթե ցանկանում եք լինել արտահանող երկիր, ձեր արժույթը ինչ-որ բանի հիման վրա լինի»:
Նա նշեց, եթե 2016 թվականի բյուջեում եկամուտներն ընդամենը լինելու են 2,5 միլիարդ դոլար, որը 2015 թվականին 2,9 միլիարդ է կազմում, այսինքն՝ 400 միլիոն նվազել է. «Պաշտոնապես իշխանությունն ասում է՝ վերջ, ես չեմ կարող փող հավաքել, ես հնարավորություններ չունեմ, կապրե՛ք իմ բյուջեով»:
Ըստ Վահագն Խաչատրյանի, Հայաստանի համար գլխավոր խնդիրներն են գործազրկությունը եւ աղքատությունը: Նա համարում է, որ գործազրկությունը եւ աղքատությունը նվազեցնելու համար իշխանությունը քայլեր չի կատարել, եղել են պարզապես գեղեցիկ նկարագրված ծրագրեր, որոնք մնացել են թղթի վրա. «Եթե վերցնենք 2008 թվականը՝ նախաճգնաժամային, եւ այժմ, այն ժամանակ արտաքին պարտքը կազմում էր 1,5 միլիարդ դոլար, հաջորդ տարի կդառնա 5,5 միլիարդ: Այսինքն՝ մենք 3 անգամ ավելացրել ենք պարտքը, բայց ոչինչ չենք ստացել»:
Կարդացեք նաև
Ամի ՉԻՉԱԿՅԱՆ
