Մարոկոյի Կասաբլանկա քաղաքում նոյեմբերի 12-ից 16-ն անցկացվելու է սամբոյի 2015թ. Աշխարհի 40-րդ առաջնությունը: Մարզական սամբոյի տղամարդկանց և կանանց, մարտական սամբոյի` միայն տղամարդկանց 9-ական քաշային կարգերում ուժերը կչափեն 85 երկրների ուժեղագույն մարզիկներ՝ նրանց թվում նաև Հայաստանի ներկայացուցիչները:
Մեր ընտրանու կազմում ընդգրկված են աշխարհի չեմպիոններ Աշոտ Դանիելյանը, Վաչիկ Վարդանյանը, Մավրիկ Նասիբյանը, Եվրոպայի կրկնակի չեմպիոն Տիգրան Կիրակոսյանը, փոխչեմպիոն Էռնեստ Հայրապետյանը, բրոնզե մեդալակիր Մաքսիմ Մանուկյանը և այլոք: Պատվիրակությունը մրցավայր կմեկնի նոյեմբերի 11-ին:
Աշոտ ՀԱԿՈԲՅԱՆ
Լուսանկարը՝ novostimira.com.ua-ի
