Aravot.am-ը նոյեմբերի 9-ին հրապարակել է Աշխատանքի և սոցիալական հարցերի նախկին նախարար, ԲՀԿ անդամ Գեւորգ Պետրոսյանի հետ զրույցը, որտեղ վերջինս անդրադարձել է ՀԱԿ խմբակցության ղեկավար Լեւոն Զուրաբյանին եւ նրա հետ բանավիճելու պատրաստակամություն հայտնել:
«Պատրաստ եմ բանավիճել ցանկացած հեռուստատաղավարում: Ձանձրալի է լսել այդ նույն ձայնը` նույն շեշտադրումներով: Ինչքան կարելի է` լուրջ դեմքով անլուրջ բաներից ճառել. նա ֆետիշացնում է իր կարծիքը, տառապում է իր անսխալականության մասին ինքնախաբեությամբ, կարծում է, թե իր մտքերը բացարձակ ճշմարտություն են, ինչպես` Աստվածաշնչի դրույթները: Նա դեմ է, քանի որ դեմ է. ոչ, քանի որ ոչ… Թող բարի լինի հիմնավորել»,- ասել էր նա:
Aravot.am-ի հետ զրույցում Լեւոն Զուրաբյանը հրաժարվեց պատասխանել, քանի որ նախ չի ճանաչում Գեւորգ Պետրոսյանին, այնուհետեւ ասաց, որ հնարավոր չէ, որ ինքը բանավիճի բոլոր նրանց հետ, ովքեր ցանկանում են իր հետ բանավիճել. իր բանավեճը իշխանությունների հետ է:
Լեւոն Զուրաբյանը խորհուրդ տվեց ճշտել, թե արդյոք դա «Բարգավաճ Հայաստան» կուսակցության պաշտոնական տեսակե՞տն է, նոր այդ հարցով իրեն դիմել:
Կարդացեք նաև
Ամի ՉԻՉԱԿՅԱՆ
Գեվորգ Պետրոսյանը նախ թող բացատրի հանրությանը, թե ինչ պատճառով պաշտոնանկ արվեց նապարարի աթոռից, հեռացվեց բհկ-ից, և ինչպես դարձավ ,,հաճախորդ,, ….