ՀՀ ԿԳ նախարարությունում նոյեմբերի 9-ին տեղի է ունեցել ԿԳՆ ներքին աուդիտի կոմիտեի նիստը, որի ընթացքում ներկայացվել են Երևանի թատրոնի և կինոյի պետական ինստիտուտ, Կ. Դեմիրճյանի անվան թիվ 139 ավագ դպրոց, Հրաձգության հանրապետական մարզադպրոց, Ռ. Մելիքյանի անվան պետական երաժշտական քոլեջ և Խ. Աբովյանի անվան հայկական պետական մանկավարժական համալսարան ՊՈԱԿ-ներում կատարված աուդիտի ընթացքում հայտնաբերված բացթողումներն ու թերությունները:
Քանի որ խիստ նկատողություններից մեկը Ռ. Մելիքյանի անվան պետական երաժշտական քոլեջի տնօրենին էր բաժին հասել, որոշեցինք մեկնաբանություն ստանալ՝ որքանով էր արդարացված պատիժը:
Տնօրենը տեղում չէր: Aravot.am-ի հարցերին պատասխանեց նախկին տնօրեն՝ ներկայիս փոխտնօրեն Գայանե Հարությունյանը, որն էլ փաստացի ղեկավարում է քոլեջը՝ իր կապերի եւ լծակների շնորհիվ:
Մեր հետաքրքրությանն ի պատասխան, տիկին Հարությունյանն ասաց, որ աուդիտի ընթացքում ուղղակի որոշ թերություններ են հայտնաբերվել, իր ձեւակերպմամբ՝ որոշ թղթային հարցեր:
Կարդացեք նաև
Իսկ արդարացվա՞ծ էր խիստ նկատողությունը; Այս հարցին ի պատասխան էլ Գայանե Հարությունյանն ասաց. «Բոլորը չի արդարացված, նայած ինչ տեսակ է նայվում… դե հիմա որ նախարարը տվել է, կարելի է շտկել»:
Գոհար ՀԱԿՈԲՅԱՆ
