Այսօր Գյումրու նոր վերանորոգված երիտասարդական պալատում ՀՀ-ում ԱՄՆ դեսպան Ռիչարդ Միլզի ու մշակույթի նախարար Հասմիկ Պողոսյանի մասնակցությամբ տեղի ունեցավ գյումրեցի գեղանկարիչ, ՀԽՍՀ վաստակավոր նկարիչ Ռաֆայել Աթոյանի՝ ռեստավրացիայի ենթարկված «Ջրաղացի ճանապարհին» որմնանկարի բացումը:
Նշենք, որ մեր գեղանկարիչը իր կյանքի վերջին տարիները ստեղծագործել է ԱՄՆ-ի Ֆրեզնո քաղաքում: Այս ծրագիրն իրականացվել է ԱՄՆ դեսպանների մշակութային արժեքների պահպանության հիմնադրամի ֆինանսավորմամբ:
ԱՄՆ դեսպանն ու ՀՀ մշակույթի նախարարը Շիրակ մարզպետ Ֆելիքս Ցոլակյանի ու Գյումրու քաղաքապետ Սամվել Բալասանյանի հետ որմնանկարի ֆոնին համատեղ մամուլի ասուլիս տվեցին:
Կարդացեք նաև
Ասուլիսը սկսեց դեսպանատան աշխատակիցներից մեկը, որը Ֆելիքս Ցոլակյանին ներկայացրեց որպես Ֆելիքս Փիրումյան: Ներկաները սկսեցին լիաթոք ծիծաղել, Շիրակը մարզպետը, լսելով նախկին մարզպետ Ֆելիքս Փիրումյանի անունը, զարմացած բացականչեց. «Իյաաաա»:
Գյումրու քաղաքապետ Սամվել Բալասանյանն ուղղեց՝ բացականչելով. «Փիրումյանը չէ, Ցոլակյանը», իսկ Շիրակի մարզպետը սկսեց հումոր անել՝ասելով. «Փիրումյանը չէ, Նանյանը, Ֆելիքս Նանյանը»:
ԱՄՆ դեսպանը, ևս հայացք նետելով Ֆելիքս Ցոլակյանի կողմը, սկսեց ծիծաղել:
Մանրամասները քիչ անց:
Նունե ԱՐԵՎՇԱՏՅԱՆ
