«Անընդհատ բան է փոխվում այդ ուղղությամբ: Անընդհատ աշխատանքներն ավելի լավանում են: Ծրագիրը շատ մեծ է, երկարատեւ աշխատանք է պահանջում: Դրական շարժ կա»,- այսօր լրագրողների հետ զրույցում Իրան-Հայաստան երկաթգծի կառուցման աշխատանքների հետ կապված պարզաբանեց տրանսպորտի եւ կապի նախարար Գագիկ Բեգլարյանը:
Նա նշեց, որ մեր հարեւան պետության տրամադրվածությունն այն է, որ անպայման այդ գիծը Իրան-Հայաստան-Վրաստան կառուցվի: Պարոն Բեգարյանն այդպիսի տպավորություն էր ստացել Իրանի փոխվարչապետի եւ նրանց տրանսպորտի նախարարի հետ հանդիպումից: Պարզապես Հայաստանը պետք է կարողանա գտնել համապատասխան գործընկերներ, որոնք կկառուցեն ու կշահագործեն երկաթգիծը:
Հարցին՝ Ռուսաստա՞նն է խանգարում այդ երկաթգծի կառուցմանը, Գագիկ Բեգլարյանը հերքեց՝ այդպիսի բան չկա. «Ես չեմ ասում, որ աշխարհաքաղաքական խնդիրներ չկան: Կան, բայց առաջնայինը ֆինանսական խնդիրներն են»:
Հնարավո՞ր է, որ Իրանը փոխի մտադրությունն ու Ադրբեջանի հետ իրականացնի իր ծրագրերը, նախարարն ասաց, որ հանդիպումների ընթացքում ինքն այդպիսի տպավորություն չի ստացել:
Կարդացեք նաև
Հռիփսիմե ՋԵԲԵՋՅԱՆ
