ԵԱՀԿ Մինսկի խմբի ամերիկացի համանախագահ Ջեյմս Ուորլիքը երեկ թվիթերյան գրառումով, ըստ էության, հանդես է եկել Հայաստանի և Լեռնային Ղարաբաղի շահերի պաշտպանությամբ, քննադատելով այդ շահերը միակողմանիորեն ոտնահարող ԵԽԽՎ զեկույցը, որն ընդունվել է այդ կառույցի քաղաքական հանձնաժողովում և ներկայացվելու է լիագումար նիստին: «Բռնությունների աճը Լեռնային Ղարաբաղում և Ադրբեջանի մյուս գրավյալ տարածքներում» անվանումով զեկույցի հեղինակը բրիտանացի պատգամավոր Ուոլթերն է, իսկ զեկույցը ԵԽԽՎ լիագումար նիստին կներկայացվի հունվարին կայանալիք ձմեռային նստաշրջանում:
Զեկույցի մեջ տեղ են գտել մի շարք հակահայկական ձևակերպումներ ու գաղափարներ: ԵԱՀԿ Մինսկի խմբի ամերիկացի համանախագահ Ջեյմս Ուորլիքը հայտարարել է, որ ԵԽԽՎ-ում և այլ միջազգային կառույցներում ղարաբաղյան հակամարտության մասին զեկույցներից առաջ պետք է խորհրդակցել Մինսկի խմբի համանախագահների հետ: Ամերիկացի համանախագահը, փաստորեն, դատապարտել է ԵԽԽՎ-ի ինքնագործունեությունը՝ միաժամանակ, իհարկե, հարված հասցնելով ԵԽԽՎ-ում ադրբեջանական լոբբիի գործունեությանը: Եվ այստեղ, իհարկե, առանցքայինն այն չէ, թե ինչ է ասել Ուորլիքը կոնկրետ զեկույցի վերաբերյալ, քանի որ ինքնին կոնկրետ զեկույցը գուցե և մեծ նշանակություն էլ չունի ղարաբաղյան հակամարտության գործընթացի կարգավորման տեսանկյունից:
Մուսա ՄԻՔԱՅԵԼՅԱՆ
Հրապարակումն ամբողջությամբ՝ «Ժամանակ» թերթի այսօրվա համարում:
