ՀՀ ոստիկանության հրապարակած պաշտոնական տվյալներով, այսօր Հայաստանում քվեարկությանը մասնակցելու իրավունք ունեցող անձանց թիվը կազմում է… պինդ բռնվեք` 2 միլիոն 554 հազար: Այն, որ սա, մեղմ ասած, ուռճացված թիվ է, շատ հեշտությամբ ապացուցվում է նույնքան պաշտոնական թվերով: Պաշտոնապես Հայաստանի դպրոցներում սովորող երեխաների թիվը կազմում է 465 հազար: Դպրոցականները տարիքի բերումով իրավունք չունեն մասնակցել քվեարկությանը: Իրավունք չունեն մասնակցել նաեւ նախադպրոցական տարիքի երեխաները, որոնց թիվը մոտ 250 հազար է: Ստացվում է, որ 715 հազար հայաստանցի ընտրելու իրավունք չունի, իսկ 2 միլիոն 554 հազարը իրավունք ունի: Այս երկու թվերը իրար գումարելով՝ ստանում ենք, որ Հայաստանի բնակչությունը 3 միլիոն 270 հազար է: Այնինչ, ըստ մարդահամարի տվյալների, Հայաստանում մշտական բնակչությունը 3 միլիոն է, իսկ առկա բնակչությունը՝ 2.8 միլիոն:
Ստացվեց, որ միայն սրանով իշխանությունը ունի հավելյալ մոտ կես միլիոն կեղծ «այո» նկարելու ռեսուրս: Բայց կարող է այնպես ստացվել, որ սա էլ չբավականացնի սահմանադրական փոփոխությունների քվեարկության դրական արդյունք ստանալու համար, եւ իշխանությունը, ամեն ինչից զատ, նաեւ փորձելու է առավելագույն ձայներ հավաքել քարոզչությամբ: Իսկ դա արդեն շատ ավելի քրտնաջան աշխատանք է պահանջում: Այնպես որ, «այո»-ականները քարոզչական նյութերից բացի իրենց հետ անպայման թաշկինակներ պետք է վերցնեն, ինչպես երեկ արել էր Դավիթ Հարությունյանը:
Լուսանկարը՝ «Հայկական ժամանակի»
Հրապարակումն ամբողջությամբ՝ «Հայկական ժամանակ» թերթի այսօրվա համարում:
Կարողա սգո արարողւթյւն է, հեռւ տնից տեղից