2016-ի բյուջեի նախագծի քննարկումները ԱԺ հանձնաժողովների համատեղ նիստում շարունակվում են:
Այսօր ԿԳ նախարար Արմեն Աշոտյանը ներկայացրեց իր ոլորտի հատկացումներն ու ծախսերը:
ՀՀԿ պատգամավոր Շուշան Պետրոսյանն Արմեն Աշոտյանից հետաքրքրվեց՝ բյուջեով նախատեսվա՞ծ են հեռավոր բնակավայրերում մանկավարժների համադրման աշխատանքներ: Ըստ նրա, խնդիր կա նաեւ հիմնական կրթության արտադպրոցական ճյուղերում՝ արվեստի դպրոցներում, մշակույթի տներում. «Խնդիր կա մասնագետների, հիմնականում դասավանդողները չունեն կամ մասնագիտական կրթություն, կամ մանկավարժական, կամ երկուսը միասին»:
Նախարարը պատասխանեց, որ արդյունավետության խնդիր կա՝ սովորում են, որ բուհ ընդունվեն, հետո չեն գնում աշխատանքի. «Կիսում եմ մտահոգությունը, բայց նման հայտ մենք չունենք: Հավատացեք, տիկին Պետրոսյան, խնդիրն այդքան գումարը չէ այս պարագայում, որքան իրական հնարավորությունը՝ համալրելու այդ թափուր տեղերը: Դուք, խնդրում եմ, մյուս տարվա սեպտեմբերի 1-ի համար նպատակային ընդունելության համար արեք այնպես, որ սահմանամերձ շրջաններից 10 դիմորդ գտնեք, իրենք ընդունվեն, մենք պատրաստ ենք կրթաթոշակ տալ: Թող ընդունվեն, շեմը հաղթահարեն, եթե սոցիալական խնդիրներ կլինեն՝ ես կլուծեմ»:
Կարդացեք նաև
Նախարարը նաեւ առաջարկեց, որ ԼՂՀ-ն էլ սահմանամերձ բնակավայրերի հետ ներգրավեն:
Հռիփսիմե ՋԵԲԵՋՅԱՆ
