Սփյուռքի նախարար Հրանուշ Հակոբյանը գտնում է, որ գործող Սահմանադրությամբ երկիրը բաժանվում է երկու մասի, ով հաղթում է ընտրություններում, ստանում է ամեն ինչ, իսկ 49 տոկոս ստացող քաղաքական ուժը ոչինչ չի ստանում. «Մենք ստիպում ենք, որ երկրում առճակատումը խորանա, իսկ այս դեպքում նման բաներ չեն լինելու: Երկրի նախագահը ընդամենը կդառնա արբիտր, որը կհետեւի Սահմանադրության պահպանմանը եւ կփորձի միաժամանակ արբիտրի խնդիր լուծել»,- լրագրողների հետ զրույցում ասաց նախարարը:
Հարցին՝ եթե այդքան լավ փոփոխություն է կատարվում, ինչո՞ւ են երկրի ե’ւ առաջին, ե՛ւ երկրորդ նախագահը դեմ դրան, երբ երկուսն էլ այլեւս չեն հավակնում նախագահի պաշտոնին՝ Հրանուշ Հակոբյանը պատասխանեց. «Իսկ ի՞նչ գիտեք չեն հավակնում: Ես դժվարանում եմ ասել»:
Նախարարն ասաց, որ ընդդիմադիրները միշտ դժգոհում էին մեծամասնական ընտրակարգից, հիմա դա հանում են, էլ ի՞նչ են ուզում. «Չնայած ես մեծամասնականով եմ ընտրվել՝ միշտ մաքուր, միշտ արդար, միշտ՝ ազնվագույն: 6 անգամ ընտրվել եմ, խնդիր չի եղել եւ հաղթել եմ 6-7 տղամարդու: Այդտեղ խնդիր չի եղել: Անընդհատ քննադատվել է, որ մեծամասնական չպետք է լինի, այսօր համամասնական է լինելու»:
Երբ լրագրողներն ընդհատեցին, որ ընդդիմությունը դա չի ասում, դուք լրիվ խառնեցիք իրար՝ Հրանուշ Հակոբյանը նեղացավ. «Ես էդքան տրամաբանություն ունեմ չխառնելու»:
Կարդացեք նաև
Հռիփսիմե ՋԵԲԵՋՅԱՆ
Մայիս 2015-ին,
ստորեւ նամակն ենք ուղարկել
ցարդ, ոչ մի պատասխան չենք ստացել
առաջարկը մնում է ի զօրու անշուշտ,
միւս ամառուայ համար – Աստուծոյ Կամքով –
Լաւալ, 26 Մայիս 2015
ՀՀ Սփիւռքի Նախարարութիւն
Տիկին Հրանուշ Հակոբյան, Նախարարուհի
26/1 Վ. Սարգսեան
ք. Երեւան 0010
Նիւթ՝ Արցախից օժանդակութիւն Սուրիոյ հայերին
Յարգելի Տիկին Հակոբյան,
Մամուլը հաղորդում է թէ, անցեալ շաբաթ, կատարել էք հետեւեալ յայտարարութիւնը ՝ «Մեր մոտեցումը հետեւյալն է՝ ինչքան, որ սիրիահայեր կգան Հայաստան, նրանց բնակարանների վարձի խնդիրը կարգավորել, առողջապահական հարցերը լուծել, երեխաների ամառային հանգստի հարցերը լուծել: Մենք պատրաստ ենք այդ բոլոր հարցերը տեղում կարգավորելու, նախարարություն ամեն օր գալիս է 20-30 հոգի, եւ մենք ամեն օր այդ խնդիրներով զբաղվում ենք»:
Շնորհաւորելով Ձեր ջանքերը այս ճգնաժամային խնդրում, այսու կու գանք մենք ալ մեր համեստ աջակցութիւնը առաջարկելու Պետութեան, նիւթի առարկայ «երեխաների ամառային հանգստի» կապակցութեամբ:
Թերեւս տեղեակ լինէք, մենք ունենք ընտանեկան հետեւեալ ծրագիրը, զորս տարիներէ ի վեր իրականացնում ենք շնորհիւ բացառապէս մեր ընտանիքի, մեր ազգականների եւ մեր ընկերների ֆինանսաւորման (զօրակիցների բոլորի անունները նշուած են կայքէջում, բացի այն անձերից որոնք ուզում են Մի Ոմն նշուիլ)՝
https://www.shoushisummercamp.org/
Առաջարկում ենք Ձեր նախարարութեան որ Սուրիայէն նոր տեղափոխուած ընտանիքներից հաճիք հաւաքել 20 երեխաներ, 9-ից 14 տարեկան, եւ ապահովէք միայն անոնց փոխադրութիւնը եւ կեցութիւնը (սնունդից անկախ) Շուշի, յառաջիկայ Յուլիս 12-ից Օգոստոս 4, որպէսզի անոնք յաճախեն մեր – լիովին անվճար – Ճամբարը: Կեցութիւնը կարելի է հեշտօրէն դասաւորել տեղացիների բնակարաններում, մի տարրական սակով: Դաստիարակութեան եւ զբաղումների կողքին, երեխաները իրենց ամբողջական սնունդը ստանալու են արդէն մեր ճամբարում:
Ներեցէք որ յստակացնենք՝ մենք Ձեզանից, կամ որեւէ այլ պետական կազմից, դրամական որեւէ նպաստ չենք ընդունելու, ոչ իսկ մի դրամ: Այսինքն, փոխադրութեան եւ կեցութեան ծախսերը իսկ դուք հոգալու էք ուղղակիօրէն, առանց մեր կողմէ որեւէ «միջնորդութեան»: Սա սկզբունքի հարց է, մեզի համար (եւ հետեւաբար չի վերաբերում միայն այս պարագային):
Հաճեցէք ընդառաջել այս առաջարկին, ըստ ձեր հայեցողութեան:
Ձերդ Յարգանօք,
Հայդուկ եւ Այտա Շամլեան, Գանատա
Cc
. Գանատայի մօտ Հայաստանի Հանրապետութեան Դեսպանատուն
. Արցախի Հանրապետութեան Մշակոյթի և Երիտասարդութեան Հարցերի նախարարութիւն
. Շուշիի «Արամ Մանուկեան Ճամբար»ի սեփական զօրակիցներ