Երեւանի գրողների միության նախագահ Աբգար Ափինյանը նախաձեռնել է ստեղծել մի հանձնաժողով, որը հավակնելու է կանխել, իր իսկ ձեւակերպմամբ, «գեղարվեստական վթարները» եւ թույլ չտալ, որպեսզի արմենչիկներն այսուհետ պետական բարձր պարգեւների արժանանան։
«Այս պահին աշխատանքներ ենք տանում, որ ամբողջանա ժամանակակից արվեստի միջգերատեսչական հանձնաժողովի կազմը։ Հանձնաժողով, որը պիտի պատասխանատվություն վերցնի ժամանակակից արվեստի վիճակի համար, իրականացնի ե՛ւ արվեստի, ե՛ւ պատվանշանների, պարգեւների հանձնման ամբողջ գործընթացի գնահատումը»,- երեկ ասաց Աբգար Ափինյանը՝ հավելելով, որ միջգերատեսչական հանձնաժողով ասելով՝ նկատի ունի բոլոր այն գերատեսչությունները, որոնք զբաղվում են արվեստով ու նախ եւ առաջ՝ ստեղծագործական բոլոր միությունները։
«Բոլոր այդ օղակները միասին պիտի աշխատեն հանձնաժողովի կարգավիճակում, որպեսզի առաջարկներ ներկայացնեն կառավարությանը եւ պիտի փորձեն հասնել այն բանին, որ չկրկնվի այդ տխրահռչակ դեպքը՝ Արմենչիկի հետ կապված, որը շատերին վրդովմունք պատճառեց»,- նշեց նա։
Կարդացեք նաև
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
