Տուլայի տարածաշրջանում Մոսկվա-Երեւան ավտոբուսի վթարը տեղի է ունեցել ղեկի մոտ քնած վարորդի պատճառով: Այս մասին, ըստ «Ria»-ի, հայտարարել է Ռուսաստանի ներքի գործերի նախարարի տեղակալ, քննչական դեպարտամենտի ղեկավար Ալեքսանդր Սավենկովը:
«Ուղեւորափոխադրումների եւ բեռնափոխադրումների ոլորտում վթարների թվի ավելացման պատճառներից մեկը վարորդների կողմից աշխատանքի եւ հանգստի ռեժիմի խախտումն է: Սա համընդհանուր խնդիր է: Նույնիսկ, եթե դիտարկեն վերջին օրերի իրադարձությունները, Տուլայի տարածաշրջանում Հայաստանի Հանրապետությանը պատկանող ավտոբուսի մասնակցությամբ մեծ վթարը, նույն խնդիրն է. վարորդը ուղղակի քնել է ղեկի մոտ»,- ասել է նա, ելույթ ունենալով ՌԴ Պետական դումայի անվտանգության եւ կոռուպցիայի հակազդման հարցերով հանձնաժողովի նիստի ընթացքում:
Պատրաստեց Աշոտ ԻՍՐԱԵԼՅԱՆԸ
