Երեկ ԱԺ-ում 2016-ի բյուջեի նախագծի քննարկումների ժամանակ ԱԺ աշխատակազմի ղեկավար Հրայր Թովմասյանին հորդորում էին պատգամավորների պահպանման ծախսերը կրճատել եւ խնայողություններ անել: Նա «Առավոտի» հարցին՝ հնարավոր չէ՞ մի քիչ ծախսերը սեղմել, պատասխանեց, որ պատգամավորների վրա վերմակ չեն գցում, որ պահպանեն, նրանց աշխատավարձ են տալիս, գրենական պիտույքներ գնում, ինտերնետի, հեռախոսի, հոսանքի փողն են տալիս, գործուղումների մեկնում են էկոնոմ դասով, 5-աստղանի հյուրանոցներում չեն մնում: Մի խոսքով, շատ-շատ սուղ միջոցներով աշխատում են:
Լուսանկարում ԱԺ-ի միջանցքներից մեկն է, որի լույսերը օրը ցերեկով միացված են՝ այն դեպքում, երբ բնական լույսը տարածքը նորմալ լուսավորում է, դրսում արեւային եղանակ է: Այդպես հաճախ ԱԺ-ի զուգարանների լույսն ենք տեսնում անիմաստ միացված, ձմռանը օդակարգավորիչները միացրած՝ պատուհանները բացած՝ էլեկտրաէներգիայի այս բարձր սակագնի պայմաններում: Հետո էլ ասում են՝ բյուջեում փող չկա:
Լուսանկարը՝ ՀՌԻՓՍԻՄԵ ՋԵԲԵՋՅԱՆԻ
Կարդացեք նաև
«Առավոտ» օրաթերթ
04.11..2015
