2016-ի բյուջեով աշխատավարձի, թոշակի կամ նպաստների բարձրացում նախատեսված չէ: ՀՀԿ խմբակցության քարտուղար Գագիկ Մելիքյանը տեղեկացրեց, որ փոխարենը մոտ 40 հազար չաշխատող մայրեր կընդգրկվեն սոցիալական ծրագրերում և կստանան նպաստ:
Դառնալով կառավարության «ոսկեզօծ պատերի» վերաբերյալ մտահոգություններին՝ ՀՀԿ-ականն ասաց. «Գրեթե բոլոր պետական համակարգերում այս տարվա բյուջեով ծախսերը նվազել են: Ճիշտ է՝ աշխատավարձերի, թոշակների, նպաստների բարձրացում չի նախատեսվում, բայց դա իրականությանը համահունչ է, քանի որ նախատեսվում է 2016-ին տնտեսական 2,2 տոկոս աճ գրանցել, տնտեսական ակտիվություն, որի պայմաններում մենք կկարողանանք ապահովել գոյություն ունեցող այն նվազագույնը, որն ունեցել ենք 2015-ին կենսաթոշակների, աշխատավարձերի և նպաստների առումով»:
Տաթև ՀԱՐՈՒԹՅՈՒՆՅԱՆ
