ԱԺ-ում շարունակվում են 2016-ի բյուջեի նախագծի քննարկումները: Ֆինանսների փոխնախարար Պավել Սաֆարյանը ներկայացրեց սոցիալական ոլորտին հատկացումները:
ՀԱԿ խմբակցության պատգամավոր Լյուդմիլա Սարգսյանը հետաքրքրվեց՝ արդեն իսկ հայտարարվում է, որ մեր արտաքին պարտքը գերազանցում է 5 մլրդ 600 մլն-ը, կազմում է մեր ՀՆԱ-ի 50 տոկոսը, ինչը դեֆոլտ է: Սա արդեն վախեցնում է, ի՞նչ կանխարգելիչ միջոցներ է ձեռնարկում կառավարությունը եւ ընդհանրապես դուք ինչպե՞ս եք պատկերացնում մեր երկրի վիճակը 2016-ին:
Պավել Սաֆարյանը հանգստացրեց պատգամավորին եւ հորդորեց դեֆոլտ բառը շատ զգուշությամբ օգտագործել, որովհետեւ, ըստ նրա, մեր վիճակը հեռու է դեֆոլտից: Նա ասաց, որ չկա որեւէ վարկ, որը պարտավորված լինի պետությունը մարել եւ բյուջեում արտացոլված չլինի: Եթե չլիներ նախատեսված գումարներ, այդ քննարկումը մենք կարող էինք ունենալ: Մենք մոտենում ենք 50 տոկոսին ՀՆԱ-ի, 50 տոկոս չէ: Պետք է հասկանալ, թե այդ վերցրած գումարները ինչքանով են նպաստում տնտեսության զարգացմանը:
Կարդացեք նաև
Նա նաեւ ասաց, որ մինչեւ 2018 թիվը մտահոգվելու հարկ չկա:
Լյուդմիլա Սարգսյաննն էլ արձագանքեց՝ 18 թիվը սարերի ետեւում չէ, այսպես ո՞ւր ենք հասնելու: Պավել Սաֆարյանը պատասխանեց, որ այդ հարցի շուրջ, թե ինչ է սպասվում մեզ 5-10 տարի հետո, կխոսեն արդեն պատգամավորի հետ առանձնազրույցում:
Հռիփսիմե ՋԵԲԵՋՅԱՆ
