Տուլայում վթարի ենթարկված «Մոսկվա-Երեւան» ավտոբուսի վարորդն արդեն մեկ անգամ վարչական պատասխանատվության է ենթարկվել «Higer» մակնիշի ավտոբուսը անսարք վիճակում վարելու համար:
TASS գործակալությանը Ռուսաստանի ներքին գործերի նախարարությունից տեղեկացրել են, որ խնդիրներ ունենալու դեպքում ավտոբուսի օգտագործումն արգելվում է: Դեռ պարզ չէ այս գիշեր Տուլայում շրջված ավտոբուսը ունեցե՞լ է արդյոք խնդիրներ
«Հաստատվել է, որ վարորդը սթափ վիճակում է եղել: ՃՏՊ պատճառները պարզելու նպատակով տարվող աշխատանքների շրջանակներում, ոստիկանության աշխատողները պարզել են, որ 44-ամյա վարորդը 2015 թվականի հունիսին Մոսկվայում վարչական պատասխանատվության է ենթարկվել անսարք «Higer» մակնիշի մեքենան վարելու համար, քանի որ դա արգելվում է»,- ասել են նախարարությունում:
Պատրաստեց Աշոտ ԻՍՐԱԵԼՅԱՆԸ
