Տուլայի շրջանում այս գիշեր տեղի ունեցած ճանապարհատրանսպորտային պատահարի արդյունքում մահացածների հարազատները եւ տուժածները Ռուսաստանում ապահովագրական փոխհատուցում չեն ստանա: Այս տեղեկությունը, հղում կատարելով Ռուսաստանի Ապահովագրողների պատասխանատվության ազգային միությանը, հաղորդել է «Gazeta»-ն:
Միության մամուլի ծառայությունը պարզաբանել է, թե ավտոբուսը, որը Մոսկվա-Երեւան երթուղով է շարժվել, պատկանում է հայ փոխադրողին եւ այդ դեպքի վրա չի տարածվում ապահովագրության պարտավորությունը:
«Այն պատճառով, որ ավտոբուսը չի պատկանում ռուս փոխադրողին, տուժածները եւ զոհվածների հարազատները չեն կարող ապահովագրական փոխհատուցումների հույս ունենալ»,- ասվում է հաղորդագրությունում:
Պատրաստեց Աշոտ ԻՍՐԱԵԼՅԱՆԸ
