«Հայրենասեր» կազմակերպությունը նոյեմբեր ամսին հարգում է ազատամարտիկ Տիգրան Սարգսյանի հիշատակը
Տիգրանը 12 տարեկան էր, բայց գիտեր՝ մի օր լեռներում խարույկներ են վառվելու։ Հայոց անցյալի մասին հոր զրույցները վառել էին Տիգրանի սրտում ազգային իղձերի կրակը։ Հետագայում Տիգրանն ավելի էր բորբոքել այդ կրակը։ Չափազանց ընթերցասեր երիտասարդը կարդացել և վերլուծել էր հայոց պատմությանն առնչվող բոլոր գրքերը, որ կարողացել էր գտնել։ Իր տարիքին անհամեմատ զարգացած էր, գիտեր յոթ լեզու։ Տիգրանը չքշվեց Արցախյան շարժման հուզական հոսանքով, այլ կանխատեսեց դրա ուղղությունը՝ զինված պայքար։
Հիրավի, մեր լեռներում խարույկներ վառվեցին։ Բանակի բացակայության պայմաններում պետք էր կանոնավոր, մարտունակ ուժ սկսվող զինված պայքարում։ Համախոհների հետ հիմնադրեց ակնառու «Տիգրան Մեծ» գունդը և որպես շտաբի պետ՝ մեկնեց Շահումյանը պաշտպանելու․․․
Ծնվել է 1965 թվականի ապրիլի 27֊ին Երևանում, զոհվել՝ 1991 թվականի դեկտեմբերի 9-ին Շահումյանի Թոդան գյուղի մոտ ականի պայթյունից ստացած վերքերից։ ՀՀ առաջին աստիճանի Մարտական խաչ շքանշանակիր է։
Մամլո հաղորդագրություն
