Տարածքային կառավարման եւ արտակարգ իրավիճակների նախարար Արմեն Երիցյանն ասել է, թե ինքը ժամը 18-ից հետո կարող է զբաղվել այլ գործով (այսինքն՝ քարոզչությամբ), իսկ ընդհանրապես՝ «յուրաքանչյուր քաղաքացին ինքը պետք է որոշի՝ «այո», թե «ոչ» ասել նոր Սահմանադրությանը»։
Միանգամայն հասկանալի է, որ Հայաստանում արտակարգ իրավիճակները տեղի են ունենում բացառապես մինչեւ 18.00-ն, հետեւաբար՝ դրանից հետո նախարարն ազատ է։ Չնայած՝ կոնկրետ Արմեն Երիցյանի համար այդ սահմանափակումն անիմաստ է։ Վերջին հաշվով՝ սահմանադրական փոփոխությունները Հայաստանի համար տարերային աղետի պես բան են, հետևաբար պրն Երիցյանը կարող է դրանով զբաղվել նաեւ աշխատանքային ժամերին։
Հակառակ դեպքում կստացվեր, որ պրն Երիցյանը մինչեւ ժամը 18-ը պայքարում է տարերային աղետների դեմ, իսկ ժամը 18-ից հետո՝ զբաղվում դրանց քարոզչությամբ։
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
