Հայաստանի երիտասարդական հիմնադրամը, Երիտասարդական մշակութային ակումբը և Հայաստանի երիտասարդության ազգային խորհուրդը սկսել են հանդիպումների շարք, որի մասնակիցները մշակութային և մշակույթը սիրող երիտասարդներն ու արվեստի նշանավոր ներկայացուցիչներն են։ Ծրագիրը նոր ձևաչափով մշակութային քննարկում է, որին ներկա գտնվողները միաժամանակ թե՜ մասնակից են և թե՜ հանդիսատես:
Հենրիկ Մալյանի անվան կինոդերասանի թատրոնում հոկտեմբերի 31-ին կայացած առաջին հանդիպումը դերասան, բեմադրիչ Սամսոն Ստեփանյանի հետ էր և կրում էր «Սուրճի ընդմիջում՝ Սամսոն Ստեփանյանի հետ» խորագիրը։
Անվանի դերասանը խոսեց թատրոնի, գրականության մասին, անդրադարձավ մեր օրերին, մերօրյա աբսուրդներին, անսովոր իրադարձություններին։ Հանդիպումը վերածվեց մոնոներկայացման, որի ավարտին հետևեց բուռն քննարկումն արծարծված թեմաների շուրջ։ Հանդիպման վերջում երիտասարդներից մեկը դերասանին նվիրեց տեղում արված նրա ծաղրանկարը։
Կազմակերպիչները նշում են, որ ծրագիրը նպատակ է հետապնդում մոտեցնել երիտասարդներին մշակութային միջոցառումներին, ապահովել նրանց շփումն արվեստի, անվանի մարդկանց հետ։
Հայաստանի երիտասարդական հիմնադրամի հասարակայնության հետ կապերի ծառայություն
