Տարածքային կառավարման եւ արտակարգ իրավիճակների նախարար Արմեն Երիցյանը նշանակվել է այո-ի շտաբի պետի՝ Հովիկ Աբրահամյանի տեղակալ:
Այսօր լրագրողները նախարարից հետաքրքրվեցին, թե ո՞ր արժանիքի համար են իրեն պաշտոն տվել այո-ի շտաբում: Նա պատասխանեց. «Բոլորին նշանակել են, ինձ առաջարկել են, որ ես էլ աշխատեմ»:
Նա զարմացավ, ինչո՞ւ պիտի չլիներ շտաբում: Երբ լրագրողները հիշեցրին, որ պետական պաշտոնյա է՝ նա ասաց, որ 18.00-ից հետո իրավունք ունի զբաղվել շտաբով. «Յուրաքանչյուրն ինքը պետք որոշի ասել այո կամ ոչ»:
Հարցին՝ 700 հազարը խփելո՞ւ եք՝ նա պատասխանեց. «Այդպիսի բաներ չկան»:
Կարդացեք նաև
Թե ինչպես է նախարարը համոզելու մարդկանց, որ Սահմանադրական փոփոխություններին այո ասեն, Արմեն Երիցյանը պատասխանեց. «Ես, որպես Սահմանադրական իրավունքի մասնագետ, կարող եմ ասել, թե ինչի համար կարելի է այո ասել»:
Նա վիրավորվեց, երբ լրագրողները հարցրեցին՝ Դուք կարդացե՞լ եք Սահմանադրությունը: Նախարարի խոսքերով՝ «Ես Սահմանադրական իրավունքի մասնագետ եմ եւ իրավագիտության դոկտոր եմ»:
Հռիփսիմե ՋԵԲԵՋՅԱՆ
