Այսօր լրագրողները ֆինանսների նախարար Գագիկ Խաչատրյանից հետաքրքրվեցին,թե Գագիկ Ծառուկյանի օբյեկտներում ստուգումներն ի՞նչ եղան,ավարտեցի՞ն:
Նա պատասխանեց. «Գագիկ Ծառուկյանին պատկանող 7 տնտեսությունում ստուգումներ ենք անում, 6-ում ավարտել ենք, առանձնապես խոշոր չափերի խախտում չենք հայտնաբերել: Ասեմ, որ այդ ստուգումներին մասնակցել են պետական այլ մարմիններ, մեծ թվով փորձագետներ, բավականին լուրջ թիմ նաեւ Գագիկ Ծառուկյանի մասնակցել են: Մեր կողմից ճշգրտումներ են տեղի ունեցել հաշվանցումների միջոցով եւ մնացել է մեկ ձեռնարկություն՝ Արարատցեմենտը»:
Հարցին՝ այսինքն, Սերժ Սարգսյանի հայտարարությունը սխա՞լ էր, նա սխալվո՞ւմ էր՝ Գագիկ Խաչատրյանը պատասխանեց. «Սերժ Սարգսյանը չի արձանագրել, թե ինչ խախտումներ են եղել,ասում էր՝ պետք է ճշտել: Համապատասխան հանձնարարություն ենք ստացել, մենք ստուգել ենք եւ էական խախտումներ չենք արձանագրել: Եվ ասեմ, որ ստուգումները կատարել ենք բացառապես օրենքի սահմաններում»:
Հարցին՝ Դուք քաղաքական գործոնը բացառո՞ւմ եք այդտեղ, որ Գագիկ Ծառուկյանը քաղաքական գործոնների փոփոխությամբ պարզվեց, որ նա խախտում չի արել:
Կարդացեք նաև
Գագիկ Խաչատրյանը պատասխանեց. «Միանշանակ բացառում եմ, բոլորս գիտենք քաղաքական գործոնները, բայց վերջին տարիներին դու չեք տեսնի, որ հարկային մարմինները քաղաքական գործընթացների մեջ ունենան այդպիսի դերակատարություն: Մենք համապատասխան հանձնարարություն ունեցանք: Նախագահն ասում էր՝ չստուգված, ստուգեցինք, տեսանք, որ էական խախտումներ չկան,ի՞նչ եք ուզում»:
Հռիփսիմե ՋԵԲԵՋՅԱՆ
