Կարմիր ռուիբոս (rooibos) թեյի օգտագործումը կանխում է հաճախակի գլխացավերը, անքնությունը, ասթման, էկզեման, իջեցնում արյան բարձր ճնշումը, վերացնում ալերգիայի որոշ տեսակներ, ինչպես նաեւ օգտակար է ոսկորների ամրության համար: Այս թեյը կանխում է նաեւ վաղաժամ ծերությունը:
Գիտնականները ապացուցել են, որ աշխարհում ամենամեծ կախվածությունը առաջացնում է կոֆեինը: Ռուիբոս թեյը բացարձակապես չի պարունակում կոֆեին եւ չունի առողջությանը վտանգավոր այլ նյութեր, որի շնորհիվ կարելի է այն խմել ամբողջ օրվա ընթացքում: Այս թեյը բժիշկները խորհուրդ են տալիս օգտագործել անքնության դեպքում: Որոշ ժամանակ օգտագործելով այս թեյը՝ այն կմեղմացնի նաեւ ստամոքսի ցավերը եւ կհանգստացնի ասթման՝ դրա հետ կապված բոլոր գանգատները:
Թեյի պարբերաբար օգտագործումը բարձրացնում է իմունային համակարգը: Այս թեյը բոլոր ժամանակներում հայտնի է եղել իր յուրահատուկ համի եւ գույնի շնորհիվ, որը նաեւ բարելավել է մարդու առողջությունը:
Ռուիբոսն աճում է միայն Հարավային Աֆրիկայում:
Այս ըմպելիքը հարուստ է հանքային նյութերով, ինչպիսիք են՝ երկաթը, կալցիումը, կալիումը, մագնեզիումը, մանգանը եւ պղինձը: Պարունակում է նաեւ հակաօքսիդանտներ եւ օկտակար է նրանց, ովքեր ունեն երիկամային քարի խնդիր:
Թեյը խորհուրդ է տրվում այն մարդկանց, որոնք ունեն արյան բարձր ճնշում, նվազեցնում է սթրեսը: Թեյը կարգավորում է ինսուլինի մակարդակն արյան մեջ եւ ոչնչացնում է օրգանիզմում քաղցկեղածին բջիջները:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ» օրաթերթ
31.10..2015
