Ադրբեջանում այսօր ընթացող խորհրդարանական ընտրությունների ընթացքում բազմաթիվ խախտումներ են տեղի ունենում: Այս տեղեկությունը հաղորդել է Contact.az-ը:
«Ազատություն 2015» միավորումից պատգամավորի թեկնածու Պանահա Հուսեյնայի շտաբը հայտնում է, որ 63-րդ ընտրատեղամասում զանգվածային խախտումներ են տեղի ունենում:
7-րդ ընտրատեղամասում հանձնաժողովի նախագահը քվեաթերթիկների մեծամասնությունը պահում է այլ սենյակում գտնվող սեյֆում: Դիտորդների դժգոհություններից հետո նախագահը քվեաթերթիկները բերել է ընտրության սենյակ:
Մեկ այլ ընտրատեղամասում մի քաղաքացու մոտ 3 քվեաթերթիկ են հայտնաբերել: Այլ տեղամասերում գրանցվել են զանգվածային լցոնման դեպքեր:
Կարդացեք նաև
Ընդդիմադիր «Մուսավաթ» կուսակցությունը հայտարարել է, որ մի շարք տեղամասերում դիտորդներին հեռացնում են տեղամասերին կամ սահմանափակում են քվեատուփերին հետեւելու հնարավորությունը:
Քվեաթերթիկները ընտրություններից առաջ դիտորդների ներկայցում չեն հաշվել: «Այն տեղամասերում, որտեղ դիտորդներին հաջողվում է խախտումները նկարահանել, նրանց հեռացնում են: Որոշ տեղամասերում արդեն առավոտից քվեատուփերը լցված են եղել քվեաթերթիկներով»:
Հավելենք, որ չնայած վերոնշյալ խախտումներին, ընտրություններին հետեւող միջազգային դիտորդները գոհունակություն են հայտնել:
Պատրաստեց Աշոտ ԻՍՐԱԵԼՅԱՆԸ
