Այսօր Երեւանի պետական հումանիտար քոլեջի մարզադահլիճում մեկնարկեց այկիկենդո կարատեի Հայաստանի պատանեկան բաց առաջնությունը: Մինչեւ պայքարը կսկսվեր, Հայաստանի Այկիկենդո կարատեի ֆեդերացիայի նախագահ Դավիթ Աթանեսյանը հատուկ շնորհակալագրեր, մեդալներ եւ հուշանվերներ հանձնեց վերջերս Կիպրոսում անցկացված Եվրոպայի առաջնությունում պատվո պատվանդան բարձրացած մարզիկներին, մարզիչներին, Հայաստանի Այկիկենդո կարատեի ֆեդերացիային ու մարզաձեւի զարգացմանը աջակցող անհատներին եւ կազմակերպություններին:
Ֆոտոլրագրող Գագիկ Շամշյանին շնորհվեց ֆեդերացիայի պատվավոր անդամի կոչում, հանձնվեց համապատասխան վկայական եւ հատուկ շնորհակալագիր:
Աշոտ ՀԱԿՈԲՅԱՆ
