Այս տարվա սեպտեմբերին արտերկրից Հայաստան ուղարկված մասնավոր ոչ առեւտրային փոխանցումների ծավալը (զուտ ներհոսքը) կազմել է ընդամենը 78.7 միլիոն դոլար, ինչը անցած տարվա սեպտեմբերի ցուցանիշից պակաս է մոտ 1.8 անգամ:
Սա մասնավոր տրանսֆերտների` վերջին առնվազն 8-9 տարիների ամենափոքր ծավալն է, որ արձանագրվում է սեպտեմբերին: Նույնիսկ ճգնաժամային համարվող 2008-2009 թվականներին մասնավոր տրանսֆերտների նման ցածր մակարդակ սեպտեմբերին չի գրանցվել (տրանսֆերտները ունեն խիստ սեզոնային բնույթ):
Այս տարվա առաջին ինը ամիսներին մասնավոր տրանսֆերտները անցած տարվա նույն ժամանակահատվածի համեմատ նվազել են 407 միլիոն դոլարով, կամ 38 տոկոսով: Մասնավոր տրանսֆերտների նվազումը ՀՀ սոցիալ տնտեսական ներկայիս ծանր իրավիճակի հիմնական պատճառն է:
Խնդիրն այն է, որ մեր տնտեսությունը եւ բնակչության գնողունակ պահանջարկի մակարդակը հիմնականում պայմանավորված է հենց մասնավոր տրանսֆերտների ծավալով, որը գրեթե ՀՀ պետական բյուջեի չափ է: Մասնավոր տրանսֆերտները Հայաստան են գալիս հիմնականում Ռուսաստանից: Աղբյուրը` արտագնա աշխատանքի մեկնած մեր հայրենակիցներն են:
Կարդացեք նաև
Հրապարակումն ամբողջությամբ՝ «Հայկական ժամանակ» թերթի այսօրվա համարում:
