ՀՀ ազգային վիճակագրական ծառայության` երեկ հրապարակած տվյալների համաձայն այս տարվա առաջին 9 ամիսների ընթացքում մեր արդյունաբերությունում արձանագրվել է 4.8 տոկոս աճ: Բայց ավելի կարեւոր է, թե ինչի հաշվին է գրանցվել այդ աճը: Մշակող արդյունաբերությունը այս ընթացքում նվազել է 3.8 տոկոսով, իսկ հանքարդյունաբերությունը աճել է ավելի քան 40 տոկոսով:
Այլ կերպ ասած, մեր արդյունաբերության աճը հիմնականում պայմանավորված է հանքերի ավելի ինտենսիվ շահագործմամբ: Սա մեղմ ասած, այնքան էլ դրական երեւույթ չէ մանավանդ, որ մշակող արդյունաբերության ծավալները նվազում են: Իսկ ամենացավալին այն է, որ այս միտումը շարունակ խորանում է: Օրինակ` այս տարվա սեպտեմբերին, անցած տարվա սեպտեմբերի համեմատ մշակող արդյունաբերության նվազումը կազմել է արդեն 12.9 տոկոս, իսկ հանքարդյունաբերության աճը` 83 տոկոս:
Հրապարակումն ամբողջությամբ՝ «Հայկական ժամանակ» թերթի այսօրվա համարում:
