ԱԺ այս քառօրյայում քննարկվեց «Նույնականացման քարտերի մասին» օրենքում փոփոխություններ կատարելու մասին օրինագիծը։ Ընդդիմադիրները հերթական անգամ հիշեցին հայաստանյան ընտրական գործընթացների տխուր պատկերը, իսկ օրինագծում իշխանության առաջարկած այս փոփոխությանն էլ հավատ չընծայեցին։ Այս առնչությամբ մի քանի հարց ուղղեցինք պետաիրավական հարցերի մշտական հանձնաժողովի ղեկավար, հիմնական զեկուցող Հովհաննես Սահակյանին:
– Ընդդիմությունը չի հավատում, որ այս փոփոխության նպատակը արդար ընտրությունների անցկացումն է: Ի՞նչ երաշխիք եք տալիս այս անգամ։
– Հարցն այնքան պարզ է, որ պետք չէ բարդություն ստեղծել, հետո «հերոսաբար» հաղթահարել։ Տպավորություն է ստեղծվում, որ յուրաքանչյուրն այս նախագծով փորձում է ինքնադրսեւորվել։ Խոսեցին արտագաղթից, այն կապելով նույնականացման քարտերի հետ, իբր ինչ-որ «թույլ տեղերին» ենք կպել։ Այսպես չի կարելի, մենք խոսում ենք ընտրական մշակույթից, փոխադարձ վստահությունից, քաղաքական կամքից։ Բայց սա չի վերաբերում միայն իշխանությանը։ Ընտրակեղծիքը մի ողջ «գործընթաց» է, ու հնարավոր չէ, որ ինչ-որ փուլում չբացահայտվի: Խնդիրը մեկ այլ տեղում է։ Մեր գործընկերներն այսօր բարձրաձայնում են, որ ՏԻՄ ընտրություններում մի քանի նույնականացման քարտեր են օգտագործվել, բայց դա փաստող ապացույցներ չունեն։ Տեսնո՞ւմ եք՝ ինչ ակտիվությամբ են այդ փաստը շահարկում։ Իսկ պատկերացնո՞ւմ եք՝ հանկարծ թույլ չտանք այդ 182 հազար 391 հոգուն ընտրություններին մասնակցել։ Սա՞ է արդյոք այն էական թիվը, որ կարող է ընտրությունների ելքի վրա ազդել:
Ռուզան ԽԱՉԱՏՐՅԱՆ
Կարդացեք նաև
Հոդվածն ամբողջությամբ կարող եք կարդալ «Իրատես de facto» թերթի այսօրվա համարում
