ՀՅԴ խմբակցության ղեկավար Արմեն Ռուստամյանն այսօր ԱԺ ճեպազրույցների ժամանակ ասաց, որ ընդդիմությունը մինչ օրս չի կարողացել խախտումների ծավալ արձանագրել եւ անվավեր համարել արդյունքները. «Քանի սահմանադրական կարգը չի փոխվել՝ այս խոսակցություններն ավելորդ են: Ենթադրենք, թանաքոտումն էլ անեն, այս անվստահությունը, մեկ է, չի վերանալու»:
Ընդդիմության այն քննադատությունը, որ ցուցակները ուռճացնում են, որ կարողանան 700 հազար այո-ն ապահովել, Արմեն Ռուստամյանը հակադարձում է՝ «Ցուցակները ուռճացնելը հանրաքվեին ձեռնտու չի, որովհետեւ այո-ի մակարդակն էլ պետք է բարձրանա. «Մեխանիկորեն ասում են՝ առանց մտածելու, որ սա ուրիշ ընտրություն է: Ամեն մի թիվ ավելացնելը ստեղ դժվարացնում է այո-ի շեմը հաղթահարելը»:
Ըստ Արմեն Ռուստամյանի, առաջին հանրաքվեն որ անցկացրեցին, ամեն ինչ արեցին, որ խառնաշփոթ լինի եւ զուգահեռ անցկացրեցին ընտրությունների հետ: Հանրաքվեի արդյունքների մասին ոչ մեկ չի կարող ստույգ գնահատական տալ:
Նա ասաց, որ մինչեւ Սահմանադրությունը չփոխվի, ով էլ գա, ինչքան էլ ասի, որ ոտներն ամպոտ են, երկրում ոչինչ չի փոխվելու: Համակարգային փոփոխություններ են պետք:
Կարդացեք նաև
Հռիփսիմե ՋԵԲԵՋՅԱՆ
