ՖԻԴԵ-ի նախագահ Կիրսան Իլյումժինովը մամուլի հաղորդագրություն է տարածել, որում անդրադարձել է իրեն ՖԻՖԱ-ի նախագահի թեկնածու առաջադրվելու առաջարկին ու դրան հաջորդած իր գործողություններին:
Ըստ էության, Իլյումժինովը չի զարմացել այդ առաջարկից, քանի որ ինքը, լինելով մարզական խոշորագույն ֆեդերացիաներից մեկի ղեկավար, դեռ այդ ժամանակ հետեւում էր ՖԻՖԱ-ում ստեղծված իրավիճակին, հաշվարկում ճգնաժամից դուրս գալու տարբերակները: Նա, վկայակոչելով ԶԼՄ-ներում իրեն տված գնահատումները, ըստ որի ինքը մարզական փորձառու մենեջեր է, կարծում է, թե իսկապես կարող էր օգտակար լինել ֆուտբոլին: Սակայն ՖԻԴԵ-ի համաժողովում իրեն արված առաջարկի մեջ առաջին հերթին տեսել է շախմատը ավելի մասսայականացնելու հնարավորություն:
«Արդյունքում առաջադրանքը կատարված է: Շախմատի մասին սկսել են խոսել ֆուտբոլային ենթատեքստում: Մեր սիրելի խաղը լրացուցիչ հետաքրքրություն է ստացել մարզասերների, բիզնեսի ներկայացուցիչների, ԶԼՄ-ների կողմից», -ասել է Կիրսան Իլյումժինովը:
Աշոտ ՀԱԿՈԲՅԱՆ
Կարդացեք նաև
Լուսանկարը՝ mk.ru-ի