«Որևէ զիջման խնդիր չկա: Այդտեղ որևէ կողմի որևէ քաղաքացու իրավունքի հարց չկա: Քաղաքացին ինքը գալիս է քվեարկության, չի էլ մտածում ինքը նույնականացման քարտով է մասնակցում, թե անձնագրով»,- այսօր, խորհրդարանում, լրագրողների հետ զրույցում ասաց ԱԺ նախագահ Գալուստ Սահակյանը`հակադարձելով դիտարկմանը, որ քաղաքական մեծամասնությունն այդպես էլ չի ցանկանում զիջումների գնալ նույնականացման քարտերով քվեարկության հարցում: Գալուստ Սահակյանն այս ամենում ամենակարեւորը քաղաքացու ընտրական իրավունքի վերականգնումն է համարում, իսկ վերահսկողական մեխանիզմները հոգ չի համարում, դրանք բազմաթիվ են:
Գալուստ Սահակյանը վարչական ռեսուրսի օգտագործում չի համարում այն, որ բոլոր մարզպետներն իրենց մարզերում նշանակվել են շտաբի պետեր: «Մարզպետները երբ որ նշանակվում են շտաբի պետ, բնականաբար աշխատանքային ժամին որևէ քարոզչության չեն մասնակցում»,-ասաց նա:
Նելլի ԳՐԻԳՈՐՅԱՆ
