«Այդպես էլ Կարեն Անդրեասյանին չկարողացանք իրազեկել, որ ինքը եկել է պատգամավորների ներկայությամբ հաշվետվություն տալու, ոչ թե դասեր տալու: Իսկ նման պայմաններում բնական է՝ կոնֆլիկտներ կարող են լինել»,- խորհրդարանում ասաց ԱԺ նախագահ Գալուստ Սահակյանը`պատասխանելով լրագրողներից մեկի հարցին`ինչո՞ւ ՀՀԿ-ն այդքան պարսավեց ՀՀ մարդու իրավունքների պաշտպան Կարեն Անդրեասյանին:
Ամեն դեպքում, Գալուստ Սահակյանը ՄԻՊ-ի 2014 թվականի զեկույցի քննարկումը «շատ բարձր» է գնահատում. «Այդպես է ամրանում տվյալ կառույցը`անընդհատ վիճելով, քննադատելով: Ինչքան ակտիվ լինի խորհրդարանը, ես այդքան լավ եմ գնահատում»:
Նելլի ԳՐԻԳՈՐՅԱՆ
