Տիգրան Ուրիւխանյանը ԱԺ-կառավարություն հարցուպատասխանի ժամանակ արդարադատության նախարար Արփինե Հովհաննիսյանին հարց ուղղեց այն քաղաքացիների մասին, որոնց անձնական գույքի, դրամական հաշիվների վրա արգելանք է դրվում. «Մարդիկ բազմաթիվ չարչարանքների հանդիպելով՝ փորձում են ԴԱՀԿ-ից պարզաբանումներ ստանալ, հետո տարբեր առևտրային բանկերից, հետո էլ ԿԲ-ի հետ կապված խնդրի են հանդիպում՝ չստանալով որեւէ բացատրություն: Ինչքա՞ն կարելի է ԴԱՀԿ-ից բանկ, բանկից ԴԱՀԿ վազել»:
Արփինե Հովհաննիսյանը պատասխանեց, որ էլեկտրոնային կառավարման համակարգի շրջանակներում, քաղաքացիների գործն ավելի հեշտացնելու համար, գրեթե ավտոմատ է կատարվում ամեն ինչ. «Վարչական մարմնից ԴԱՀԿ-ն ավտոմատ կերպով ստանում է «իրազեկումն ապահոված է» նշումով վարչական ակտը, որից հետո ԴԱՀԿՆ-ն ավտոմատ կատարողական վարույթ է սկսում եւ ուղարկում բանկեր՝ համապատասխան գումարի չափով արգելանք դնելու համար: Համակարգը թույլ չի տալիս ամբողջական արգելադրում»:
Նախարարն ասաց, որ այսուհետ կլինի այնպես, որ վճարման ցանկացած համակարգից երբ քաղաքացին մուծում անի, ԴԱՀԿ-ից կստանա կարճման մասին որոշումը, որպեսզի նման քաշքշուկների մեջ չընկնի. «Տարբեր բանկերում տեխնիկական պատճառներով եղել է ամբողջական արգելադրում, ինչը խախտում է»:
Նա ասաց, որ իրենց աշխատանքային խումբն աշխատում է նաեւ նրա վրա, որ շատ տուգանքներ ոչ միայն նվազեցվեն, այլեւ փոխարինվեն նախազգուշացմամբ: Այդ փաթեթը շուտով գալու է ԱԺ:
Կարդացեք նաև
Հռիփսիմե ՋԵԲԵՋՅԱՆ
Ուզում է փոխարինի-ն որ լեզվով է ?