Ոչ Հովիկ Աբրահամյանը, ոչ Վիգեն Սարգսյանը, ոչ Վահրամ Բաղդասարյանը, Արմեն Երիցյանը, Հովհաննես Հովսեփյանը, Կարեն Կարապետյանը և ոչ էլ Լևոն Յոլյանը «Այո»-ի քարոզարշավի ժամանակ վարչական լծակները չեն կիրառելու: Այսօր այդ մասին, խորհրդարանում, լրագրողների հետ զրույցում հավաստիացրեց «Այո»-ի շտաբի պետի տեղակալ, ՀՀԿ խմբակցության ղեկավար Վահրամ Բաղդասարյանը: Վարչապետ Հովիկ Աբրահամյանը, հիշեցնենք, «Այո»-ի շտաբի պետն է, մյուսներն իր տեղակալներն են «Այո»-ի շտաբում:
Վահրամ Բաղդասարյանը բացատրում է այսպես. «Նրանք ընդգրկվել են շտաբում փորձառու լինելու պատճառով: Այս անձինք աշխատանքից դուրս են զբաղվելու շտաբի աշխատանքներով: Ում էլ նշանակեին շտաբի անդամ, պետք է որևէ տեղ աշխատեր, այնպես որ անտեղի է այդ հարցը բարձրացնելը»:
Վահրամ Բաղդասարյանն ասաց նաեւ, որ ՀՀԿ-ն ակտիվ քարոզչությունը, այդ թվում նաեւ մարզային այցելությունները կսկսի նոյեմբերի մեկից: Կմասնակցի՞ հանրապետության նախագահ Սերժ Սարգսյանն այդ քարոզչությանը, ի՞նչ ձեւաչափով՝ պարզ կդառնա նրա՝ Անգլիայից վերադառնալուց հետո:
Նելլի ԳՐԻԳՈՐՅԱՆ
Իհարկե ոչ մի ընտրության ժամանակ, այդ թվում նաև ՏԻՄ, մասնավորապես Իջևան քաղաքում և այլ համայնքներում, վարչական լծակներ “չեն օգտագործվել”, ժողովուրդը պարզապես վստահում է իշխանություններին, գոհ է նրանց վարած տնտեսական քաղաքականությունից, սահմանամերձ գոտու բնակիչների ապրելակերպը թեթևացնող օրենքներից, անաչառ դատական համակարգից, անկաշառ ոստիկաններից, փողի ու բիրդ ուժի տիրապետող մարզպետներից, անմեղ հայացք ունեցող կամակատարներից ու ընդհանրապես պայծառ ապագայից…?:
Հարգարժան Նելլի, իմ կարծիքով տիրոջ ծառաներն անհայրենիք արարած են, որոնց միակ նպատակը մեկն է`….., որը մեր ազգային ու պետական շահերի հետ որևէ կապ չունի: Ցավալի է…