Ադրբեջանի նախագահ Իլհամ Ալիևը շփման գծում եւ հայ-ադրբեջանական սահմանին տեղի ունեցող սադրանքների պատասխանատվությունը դրել է Հայաստանի նախագահ Սերժ Սարգսյանի վրա: Ըստ Interfax.az-ի՝ այս մասին ասվում է Ադրբեջանի նախագահի պաշտոնական կայքում:
Բաքվում ԵԱՀԿ Մինսկի խմբի համանախագահների հետ հանդիպմանն Ալիեւը նաեւ ասել է, թե Հայաստանի իշխանության սադրանքները ավարտ չունեն: Ալիեւը որպես իր ասածի օրինակ է բերել անցած տարի Փարիզում իր եւ Սերժ Սարգսյանի հանդիպումից երկու շաբաթ անց Լեռնային Ղարաբաղում սկսված զորավարժությունները, որոնց ընթացքում Ադրբեջանի ԶՈւ-ն հայկական ուղղաթիռ վայր գցեց:
Իլհամ Ալիեւը նաեւ խոսել է այս սեպտեմբերին հայ-ադրբեջանական սահմանին «հայկական դիվերսիոն խմբի վնասազերծման» մասին, ինչի արդյունքում Հայաստանն, իբր բազմաթիվ զոհեր է ունեցել: «Այս ամենի պատասխանատվությունը կրում է Սերժ Սարգսյանը»,- ասել է Ալիեւը:
Պատրաստեց Աշոտ ԻՍՐԱԵԼՅԱՆԸ
