Մի քանի ամսվա կայունությունից հետո վառելանյութի հայաստանյան շուկայում նվազել են գները։ Վառելանյութի տարբեր տեսակներ էժանացել են 10 դրամով (լիտրի հաշվով)։
Շուկայի երկու հիմնական մասնակիցների՝ «Ֆլեշի» եւ «ՍԻ ՓԻ ԷՍ Օյլ Քորփորեյշնի» լիցքավորման կայաններում «ռեգուլյար» տիպի բենզինը արդեն վաճառվում է 420, «պրեմիումը»՝ 440 դրամով։
Նույնքան էժանացել է նաեւ դիզելային վառելանյութը. գինը դարձել է 420 դրամ։
Վառելանյութի գները վերջին անգամ Հայաստանում բարձրացել էին հուլիսին։ Դա պայմանավորված էր ոչ այնքան արտաքին շուկաներում տեղի ունեցող փոփոխություններով, որքան սեզոնայնությամբ։ Ամռան ամիսներին շուկայում ավելանում է հեղուկ վառելանյութի պահանջարկը, որն էլ հանգեցնում է գների բարձրացման։ Դա սովորաբար տեւում է մինչեւ սեպտեմբեր, որից հետո պահանջարկը դարձյալ նվազում է։
Կարդացեք նաև
Իհարկե, այնպես չէ, որ այդ գործոնը ներքին շուկայում մշտապես հանգեցրել է գների նվազման։ Այնուհանդերձ այս անգամ նման երեւույթ արձանագրվեց։
Հ.ՍԱՀԱԿՅԱՆ
Հոդվածն ամբողջությամբ կարող եք կարդալ «Հայոց աշխարհ» թերթի այսօրվա համարում
