Ինչ վերաբերում է Ստեփան Դեմիրճյանին, ապա նա էլ իշխանափոխություն իրականացնելու եւ այդպիսով գործի բացահայտմանը հասնելու իր շանսը բաց թողեց 2004-ի ապրիլի 12-ին՝ իր հետեւորդներին Բաղրամյան փողոցում թողնելով ոստիկանական մահակների առաջ եւ գնալով «թեյ խմելու»։ Իսկ 2012-ից ի վեր պարոն Դեմիրճյանը ամեն օր խորհրդարանում հանդիպում է 27-ի գործը քննած նախկին զինդատախազ Գագիկ Ջհանգիրյանին, ով խոստանում էր պաշտոնը թողնելուց հետո ցնցող բացահայտումներ անել։ Դժվար է ասել՝ արդյոք պարոն Դեմիրճյանին բավարարել են խմբակցական իր գործընկերոջ «բացահայտումները», համենայնդեպս, նա այդ «բացահայտումների» հիման վրա որեւէ գործողության չի դիմել։
Դե, իսկ Արմեն Սարգսյանի մետամորֆոզները գերազանցում են բոլորին, նա, պարզվում է, կարծում է, որ 27-ին թերացել էր ԱԱԾ-ն, իսկ, ահա, Սերժ Սարգսյանը անձնապես մեղավոր չէր։ Հավանաբար ներկայումս ՊՆ նախարարի խորհրդական Արմեն Սարգսյանը մոռացել է, որ Սերժ Սարգսյանը ազգային անվտանգության նախարարն էր, հետեւաբար՝ ԱԱԾ թերացման թիվ մեկ պատասխանատուն։
Միով բանիվ, որքան էլ ցավալի է՝ հոկտեմբերի 27-ը չի բացահայտվի, քանի որ դրանում այսօր այլեւս որեւէ մեկը շահագրգռված չէ։
Հոդվածն ամբողջությամբ կարող եք կարդալ «Ժողովուրդ» թերթի այսօրվա համարում
