Սեդրակ Զատիկյանի սպանության պատվիրատուն փոխեց փաստաբանին

Մալաթիա-Սեբաստիա վարչական շրջանների ընդհանուր իրավասության դատարանում, դատավոր Պապոյանի նախագահությամբ քննվում է քրեական գործն ըստ մեղադրանքի Նարեկ Խաչատրյանի, որը մեղադրվում է ԱԺ նախկին պատգամավոր Վահան Զատիկյանի որդու` 1980թ. ծնված, Մալաթիա-Սեբաստիա վարչական շրջանի նախկին ղեկավար Սեդրակ Զատիկյանի սպանությունը կազմակերպելու համար:

Ըստ մեղադրական եզրակացության՝ Նարեկ Խաչատրյանը Ստեփան Հակոբյանի հետ, նախնական համաձայնությամբ, նախկինում ունեցած վեճի պատճառով վրեժխնդիր լինելու նպատակով, Արսեն Առուշանյանին նյութապես շահագրգռելով դրդել, պատվիրել են սպանել Սեդրակ Զատիկյանին:

Այսօր դատական նիստը կարճ տեւեց:

Ամբաստանյալ Նարեկ Խաչատրյանը հրաժարվեց հանրային պաշտպան Արամ Ղազարյանի ծառայությունից, նրա պաշտպանությունը ստանձնեց Վարդուհի էլբակյանը: Փաստաբանը միջնորդեց հետաձգել դատական նիստը՝ քրեական գործի նյութերին ծանոթանալու պահանջով: Դատարանը բավարարեց Վարդուհի Էլբակյանի միջնորդությունը եւ դատական նիստը հետաձգվեց՝ նշանակվելով նոյեմբերի երեսունին:

Կարդացեք նաև

Թբիլիսիում բեմադրվել է Էլֆիք Զոհրաբյանի պիեսը

• 13:30 01.02.2023

«Այս գործն աննախադեպ է. պատահմամբ ձերբակալել էին մի անձի և բռնության ենթարկել, որը չպետք է ձերբակալվեր». Վարդուհի Էլբակյանը՝ «քաջարանյան գործի» մասին

• 18:15 02.06.2020

«Նախագահն է ներում շնորհել, նախագահի որոշումներն էլ քննարկման ենթակա չեն». Յուվեցի Կարոյի փեսայի գործով ամբաստանյալ Ներսես Մելքոնյանը բողոք չի ունեցել

• 22:01 03.05.2017

Արփինե ՍԻՄՈՆՅԱՆ