Տավուշի մարզի Նոյեմբերյան քաղաքի խանութներում առեւտրի շուրջ 30 տոկոսը կատարվում է ապառիկ: Սննդի խանութներից մեկի տերը ցույց տվեց «նիսյայի» տետրը, ուր 50-ից ավելի անուններ կան, որոնց ընդհանուր պարտքը կազմում է ավելի քան 2 միլիոն 500 հազար դրամ: Ընտանիքներ կան, ովքեր վաճառատանը պարտք են 300 հազար դրամ ու չեն կարողանում գոնե մասամբ փակել պարտքը :
Նոյեմբերյանի բնակչության մոտ փողի պակասը հատկապես զգում են էլցանցերի եւ գազի հիմնարկության տեսուչները, ովքեր սպառած հոսանքի եւ բնական գազի գումարները հավաքելու համար ամսվա վերջին տնետուն են անցնում, հաճախ նույն սպառողին մի քանի անգամ զանգում են, այցելում, նրանից նեղանում, որ գումարի վճարումն ուշանում է:
Ոսկան ՍԱՐԳՍՅԱՆ
