Տնտեսագետ Սուրեն Պարսյանը հոկտեմբերի 24-ին «Հենարան» մամուլի ակումբում լրագրողների հետ հանդիպման ընթացքում անդրադարձավ 2016 թվականի բյուջեի նախագծին:
Նա ասաց, որ նախագծով նախատեսված 2.2 տոկոս տնտեսական աճը պայմանավորված է ընդհանուր միտումներով. «Հիմնականում հանքարդյունաբերությամբ է պայմանավորված, քանի որ նախատեսվում է, որ հումքի գները համաշխարհային շուկայում նվազման միտում են ունենալու կամ միգուցե կպահպանվեն, որի դեպքում հնարավորություն չենք ունենա ապահովել այս տարվա տնտեսական աճը: Այս տարի էլ, եթե գյուղատնտեսությունը չլիներ, չէինք կարող ունենալ տնտեսական աճը, եւ 2.2-ը բավականին պահպանողական, այսինքն՝ քիչ ռիսկային կանխատեսում է, որը նպատակ ունի այդ ցուցանիշը իրականացնել»:
Սուրեն Պարսյանը նկատեց, որ բյուջեում եկամտային մասը նվազել է 8-9 միլիարդ դրամի չափով. «Դա եւս խոսում է, որ տնտեսության եկամտաբերությունը շահութաբերության անկում է գրանցվում ներկայումս: Այդ ցուցանիշները բարելավելուն ուղղված որոշակի քայլեր են ձեռնարկվում»:
Տնտեսագետը համարում է, որ այս անգամ կառավարությունը արդեն հույս չունի, որ կառավարությունը կարող է իրեն օգնել, ինչպես այս տարի օգնեց, քանի որ գյուղատնտեսական տատանումները ցիկլային են՝ 1 տարի լավ արդյունքներ գրանցվելուց հետո հաջորդ տարի սովորաբար գյուղատնտեսական ցուցանիշների անկում է գրանցվում՝ կապված տարբեր հանգամանքների հետ. «Այսինքն՝ իրենք հաշվի են առնում, որ չեն կարող ապահովել այսպիսի գյուղատնտեսության աճ, դրանից ելնելով իրենք որոշակի պահպանողական 2.2 տնտեսական աճ են կանխատեսում»:
Կարդացեք նաև
Ամի ՉԻՉԱԿՅԱՆ
