Գյումրու փոխքաղաքապետ Վաղարշակ Մխիթարյանը Գյումրու նախկին քաղաքապետ Վարդան Ղուկասյանի ու նրա շրջապատի մարդկանց մեղադրում է քաղաքապետարանի աղքատիկ բյուջեից անհիմն գումարներ տանելու փորձեր կատարելու մեջ: Նա հերթով թվարկեց, թե նախկին իշխանությունները ինչ անհիմն հայցեր են ներկայացրել Գյումրու քաղաքապետարանի դեմ:
Երբ հերթը հասավ Գյումրու նախկին քաղաքապետ Վարդան Ղուկասյանի «Ալեքսանդրապոլ» բիզնես կենտրոնի կողմից Գյումրու քաղաքապետարանի դեմ հայց ներկայացնելուն ու ռեստորանա- հյուրանոցային ծառայությունների դիմաց 3 միլիոն 417 հազար դրամ գումար պահանջելուն, Վաղարշակ Մխիթարյանը շատ վրդովվեց՝ նշելով. «Իբր թե «Մինաս Ավետիսյան» հիմնադրամի աշխատակիցները այնտեղ են հյուրընկալվել, հաց են կերել, ռեստորան են այցելել, իբր թե էդքան գումար էլ մինչեւ հիմա Գյումրու համայնքը էդ հիմնադրամին պարտք է: Նորից չհիմնավորված, անհիմն հայց, հայցի հիմքի հետ ներկայացվել են տարբեր հյուրանոցներից անդորրագրեր իբր թե Երեւան քաղաքում, Գյումրիի այլ հյուրանոցներում էլ են եղել: էդ ինչքա՞ն մարդ է եղել, էդ ինչքա՞ն են քնել, կերել, խմել, որ էդքան վճարվելուց հետո Գյումրի համայնքը էսօրվա դրությամբ իրենց նորից գումար պիտի տա»:
Մանրամասները՝ տեսանյութում
Նունե ԱՐԵՎՇԱՏՅԱՆ
Կարդացեք նաև
Լուսանկարը՝ Azatutyun.am-ի
