Aravot.am-ը դժգոհություններ է ստացել Մալաթիա-Սեբաստիա վարչական շրջանում գտնվող 113 դպրոցի որոշ ծնողներից: Նրանք պնդում էին, որ նույն դպրոցի անգլերենի ուսուցչուհի Սերինե Դեղոյանը ոչ միայն կոպիտ է վարվում աշակերտների հետ, այլեւ խնդիրների դեպքում գործին խառնում ամուսնուն եւ հարազատներին:
Սերինե Դեղոյանի հետ կապվել չհաջողվեց, հետեւաբար մեկնաբանության համար զանգահարեցինք դպրոցի տնօրեն Մարիամ Հարությունյանին:
Տիկին Հարությունյանը հերյուրանք որակեց ծնողների դժգոհությունը, նաեւ ասաց, որ լրատվամիջոցը արդարադատության ատյան չէ, որ նման հարցերով զբաղվի: Ավելի ուշ, այլ դպրոցների իր մյուս գործընկերների նման, նա խնդրեց հայտնել այն ծնողների անունները, որոնք դժգոհել են ուսուցչուհուց: Բնականաբար ծնողների խնդրանքով չհայտնեցինք իրենց անունները, որպեսզի երեխաները խնդիրներ չունենան դպրոցում:
Պատրաստ ենք տպագրել նաեւ Սերինե Դեղոյանի մեկնաբանությունը:
Կարդացեք նաև
Գոհար ՀԱԿՈԲՅԱՆ
