«Իրատես»-ի հյուրն է «Ժողովրդավարության, անվտանգության զարգացման հայկական կենտրոն» ՀԿ-ի նախագահ, պաշտպանության նախկին փոխնախարար Անդրանիկ Քոչարյանը
– 21-րդ դարում մենք հաղթահարե՞լ ենք ճգնաժամը, որի մեջ հայտնվեցինք 20-րդ դարավերջին, 1999-ի հոկտեմբերի 27-ով։ Մենք կորցրինք պետության ղեկավարների՞, թե՞ Հայաստանի անկախության երաշխիքները։
– Մենք կորցրինք ճգնաժամը հաղթահարած վիճակը և հաղթահարողներին։ Նրանք մի օրում, մի ժամում չէին ձևավորվել, այլ իրենց ապրած կյանքով ու գործով, պետականության ընկալմամբ։ Հայաստանի ինքնիշխանությունը պահող ու առաջ տանող մարդիկ էին։ Նրանց տեղը թափուր է։ Հոկտեմբերի 27-ից հետո անընդհատ անկման մեջ ենք և այսօր հայտնվել ենք ոչ թե իշխանական ճգնաժամի, այլ հոգևոր ճգնաժամի մեջ։ Շատ բարդ է լցնել այն ամայությունը, որ այսօր կա մշակութային ու հոգևոր կյանքում։ Անհրաժեշտ է ստեղծել միջավայրը, որտեղ կարող է ձևավորվել ճգնաժամը գիտակցող ու հաղթահարող սերունդը։
– Փաստորեն խնդիրը ժամանա՞կն է։
Կարդացեք նաև
– Նաև ժամանակը, բայց չպիտի պարապ նստենք ու սպասենք՝ երբ ինքն իրեն կգա բարենպաստ ժամանակը։ Այսօր մշակութային քաղաքականությունը իշխանությունը փոխարինել է եկեղեցիներ բացելով ու հարսանիքներ-կնունքներ անելով։ Իշխանության մեջ անկախության արժեքն ընկալող մարդկանց թիվը նվազել, գուցե զրոյացել է հոկտեմբերի 27-ի պատճառով։
– Գուցե հոկտեմբերի 27-ին հենց ա՞յդ խնդիրն Էր լուծվում՝ դաշտի ամայացման։
– Փաստ է, որ լուծվեց ոչ միայն իշխանության խնդիրը, այլև հայտնվեցինք անկման կորի մեջ։ Դա պետք է հաղթահարվեր քաղաքական զարգացումներով, հնարավորությունները կային։ Հասարակությունը միշտ փորձել է տեղապտույտից դուրս գալ ընտրությունների ժամանակ։ 2008-ին էլ հասարակությունը փորձեց իշխանության խնդիրը լուծել։ Ինչքան ընտրություն լինի՝ ժողովուրդը դեմ է լինելու կեղծիքներին:
Անահիտ ԱԴԱՄՅԱՆ
Հոդվածն ամբողջությամբ կարող եք կարդալ «Իրատես de facto» թերթի այսօրվա համարում
