Հոկտեմբերի 22-ին Հայաստանի ազգային ագրարային համալսարանում մեկնարկեց բուհի հիմնադրման 85-ամյա հոբելյանին նվիրված ամենամյա միջազգային գիտաժողովը:
Այդ կապակցությամբ համալսարան են ժամանել տարբեր երկրների ավելի քան 40 ներկայացուցիչներ՝ ագրարային համալսարանների ռեկտորներ և ճանաչված գիտնականներ:
Մասնակիցների գրանցումից հետո կայացավ գիտաժողովի լիագումար նիստը. բացման խոսքով հանդես եկավ ՀԱԱՀ ռեկտոր, ՀՀ ԳԱԱ իսկական անդամ, ՀՀ գիտության վաստակավոր գործիչ Ա. Թարվերդյանը: Նա նշեց, որ 18-րդ միջազգային գիտաժողովն է և ավանդաբար, առանց բացառության բոլոր տարիներին աշխատանքները միտված են եղել ագրարային ոլորտի հրատապ հիմնախնդիրների համակողմանի դիտարկմանը:
Այս տարի համաժողովը կրկնակի կարևոր նշանակություն ունի, քանզի բուհի հիմնադրման 85-րդ տարեդարձի հետ է համընկնում: Այնուհետև ՀԱԱՀ ռեկտորն անցավ «հաճելի պարտականությունների» կատարմանը: ՀԱԱՀ «Ոսկե հուշամեդալ» և «Պատվավոր դոկտորի» աստիճան շնորհվեց Ղազախստանի ազգային ագրարային համալսարանի ռեկտոր, տնտեսագիտության դոկտոր-պրոֆեսոր, ակադեմիկոս Տ.Ի. Եսպոլովին: ՀԱԱՀ «Ոսկե հուշամեդալ» և «Պատվավոր պրոֆեսորի» կոչման արժանացան արտերկրի գործընկեր համալսարաններից ժամանած ականավոր գիտնականները: Իրենց հերթին հյուրերը շնորհավորանքի խոսքեր հղեցին բուհի 85-ամյակի կապակցությամբ:
Կարդացեք նաև
«Ոսկե հուշամեդալ»-ով պարգևատրվեցին նաև համալսարանի թվով 30 աշխատակիցներ:
Մեկժամյա ընդմիջումից հետո գիտաժողովն իր աշխատանքը շարունակեց բաժանմունքներում, և օրը եզրափակվեց տոնական համերգով:
Հայաստանի ազգային ագրարային համալսարան
