Հրեական հանրային քաղաքականության խորհուրդն ԱՄՆ-ի կառավարությանը կոչ է արել Առաջին համաշխարհային պատերազմի տարիներին թուրքերի կողմից իրականացված հայերի ջարդը ճանաչել որպես ցեղասպանություն։ Այս մասին տեղեկանում ենք «Times of Israel»-ի հրապարակած հոդվածից։
Հրեական հասարակության հետ կապերի խորհուրդն իր տարեկան հանդիպման ընթացքում նաեւ կոչ է արել հրեական հասարակական կազմակերպություններին լոբբինգ անել ԱՄՆ կոնգրեսում եւ Սպիտակ տանը, որպեսզի պաշտոնապես ճանաչեն Հայոց ցեղասպանությունը։ Խորհրդի մամուլի խոսնակը երեկ հաստատել է, որ սա առաջին անգամ է, որ խորհուրդը ճանաչում է Հայոց ցեղասպանությունը։
Այս շարժումը կատարվածը ցեղասպանություն է անվանել, բայց հրեական բազմաթիվ այլ կազմակերպություններ հրաժարվել են դա անել։
Բանաձեւը հրեական համայնքին կոչ է անում աշխատել հայ-ամերիկյան խմբերի հետ, որպեսզի ցեղասպանության ճանաչման գործում առաջընթաց գրանցվի. «Մենք չպետք է այս պահի քաղաքականությանը կամ ԱՄՆ կառավարության Թուրքիայի հետ հարաբերություններին թույլ տանք իշխել հայերի տանջանքները ճանաչելու մեր բարոյական պարտականության վրա»։
Կարդացեք նաև
Պատրաստեց Աշոտ ԻՍՐԱԵԼՅԱՆԸ
