Շենգավիթ վարչական համայնքի ընդհանուր իրավասության դատարանում (նախագահող դատավոր Ալեքսանդր Ազարյան ) փաստաբան Նիկոլայ Բաղդասարյանի դատական նիստը դեռ չսկսած՝ դատավորը գնաց խորհրդակցական սենյակ: Փաստաբանը վիճարկում է դատախազ Ռ. Էլիզբարյանի՝ քրգործի հարուցումը կարճելը վերացնելու որոշումը:
Դատարանը մերժեց փաստաբան Նիկոլայ Բաղդասարյանի բողոքը՝ պատճառաբանությամբ, որ ընդհանրապես այն ենթակա չէ դատարանների քննության: Մինչդեռ պարոն Բաղդասարյանը նշեց, որ այլ՝ Արաբկիր վարչական շրջանի դատարանը Քոսյանի գործով քննության է առել նման բողոքը:
Պարոն Բաղդասարյանը իր վրդովմունքն է հայտնում. «Ինչո՞ւ Քոսյանի գործով ընդդատյա են, Բաղդասարյանի գործով՝ ոչ»:
Հիշեցնենք, որ Նիկոլայ Բաղդասարյանին մեղադրանք էր առաջադրվել քրեական օրենսգրքի 144-րդ հոդվածով: Նա մեղադրվում է մոտ երկու տարի առաջ քննված քրեական գործով անցնող վկայի վերաբերյալ անձնական կամ ընտանեկան կյանքի մասին տեղեկություններ ապօրինի հավաքելու եւ տարածելու մեջ: Այդ գործի դատաքննության ընթացքում փաստաբանը դատարանին միջնորդել է իր պաշտպանյալի դեմ ցուցմունք տված վկայի հոգեկան առողջության վերաբերյալ փաստաթուղթ պահանջել համապատասխան հաստատությունից, դատարանը բավարարել է միջնորդությունը: Պարզվել է, որ վկան հոգեկան հիվանդությամբ է տառապում:
Կարդացեք նաև
Տաթև ՀԱՐՈՒԹՅՈՒՆՅԱՆ
