Այսօր «Նոր Հայաստան» հանրային փրկության ճակատի անդամները ներկայացրեցին իրենց ծրագիրը:
Միասնական շտաբի անդամ, «Ժողովրդավարական հայրենիք» կուսակցության նախագահ Պետրոս Մակեյանը անդրադարձավ նրան, թե ինչո՞ւ Սերժ Սարգսյանը գնաց նոր Սահմանադրության ընդունման ճանապարհով: Հիմնական կարծիքը, որ դա վերարտադրության համար է արվել, ըստ նրա, ճիշտ չէ, որովհետեւ Սերժ Սարգսյանի վարչախմբի համար երբեք վերարտադրվելը խնդիր չի եղել:
Ըստ Պետրոս Մակեյանի, ամենամեծ պատճառը վախն է, սարսափը ժողովրդից: Վախ կա, որ հնարավոր է ինչ-որ պահի վերահսկողությունը կորցնեն, այդ վախը Սերժ Սարգսյանին պարտադրեց գնալ այս ավանտյուրային: Երկրորդ պատճառը անձնական վախն է՝ ինչպիսի ժառանգորդ կունենա. «Եթե Քոչարյանը մարտի 1 –ով մատուցեց նախագահի պաշտոնը Սերժ Սարգսյանին, հիմա գոնե արտաքուստ պարզ է, որ Քոչարյանը նեղացած է Սերժ Սարգսյանից»:
Նրա խոսքերով՝ այսօր մեր սահմանները, գյուղերը ռմբակոծվում են, թուրքական ուղղաթիռները մեր օդային սահմանը խախտում են, հիմա 4 մլն դոլար ներդրում են՝ հանրաքվեի համար. «Հիմա իրենք ռիսկի են դիմում եւ գնում են մեր հասարակության տարանջատմանը»:
Կարդացեք նաև
Հռիփսիմե ՋԵԲԵՋՅԱՆ
