Մինչ «Ոչ»-ի ճակատն ընդհանուր մարտավարության հարցում անգամ եզրեր չի գտնում, «Այո»-ի թիմը մեկ քայլ առաջ է մտածում։ Իշխանությունն արդեն ուրվագծում է այն սցենարը, որը կարող է լինել սահմանադրական բարեփոխումների հանրաքվեից հետո։
Կուլիսային խոսակցություններ են պտտվում, թե հանրաքվեից հետո պաշտոնին հրաժեշտ է տալու վարչապետ Հովիկ Աբրահամյանը, և նրան փոխարինելու է նախագահի աշխատակազմի ներկայացուցիչներից մեկը։ Այս լուրի առնչությամբ մեկնաբանություն խնդրեցինք ՆԺԿ ղեկավար Արամ Կարապետյանից:
Կարապետյանի դիտարկմամբ, Գագիկ Ծառուկյանի օրինակը ցույց տվեց, որ Հայաստանում իշխանության հետ կապված մարդկանց «հարցերի» լուծումը շատ հեշտ է լինում։ «Նրանցից ի՞նչ ընդդիմություն, մի երկու քրեական գործ, մի երկու բամփել, ու գործը փակվեց։ Հիմա մարդն ինչ է անում, իր համար խաղող է մթերում, քաղաքականությամբ չի զբաղվում»,- նշեց «Իրատեսի» զրուցակիցը։
Անդրադառնալով հավանական վարչապետի թեկնածուին, Արամ Կարապետյանը նկատեց, որ խոսքը նախագահի աշխատակազմի ղեկավար Վիգեն Սարգսյանի մասին է, որին չի ճանաչում ու նրա տնտեսական կարողություններից տեղյակ չէ։ «Երկրորդեմ. բայց եթե ինչ-որ բան պետք է փոխեն, պետք է կտրուկ շրջադարձ լինի: Տիգրան Սարգսյանին փոխեցին Հովիկ Աբրահամյանով, ի՞նչ փոխվեց, վիճակն ավելի վատացավ։ Անիմաստ փոխատեղում է լինելու»,- ընդգծեց Արամ Կարապետյանը:
Կարդացեք նաև
Ռուզան ԽԱՉԱՏՐՅԱՆ
Հոդվածն ամբողջությամբ կարող եք կարդալ «Իրատես de facto» թերթի այսօրվա համարում
