Տավուշի մարզի սահմանամերձ բնակավայրերում համայնքապետարաները կառուցում են ռմբապաստարաներ: Դրանք կառուցվում են հիմնականում գործող հիմնարկների, կրթական հաստատությունների տարածքում: Որոշ ռմբապաստարաններ նույնիսկ հագեցվում են գիշերային լուսավորությամբ, սեղան-նստարաններով:
Ադրբեջանի զինուժի կողմից պարբերաբար ոտնձգությունների պարագայում, հրետակոծությունից Տավուշի մարզի բնակիչ 3 կանանց զոհվելուց հետո անհրաժեշտություն է ռմբապաստարանների կառուցումը, սակայն դրանք սահմանափակ տարածք ունենալով՝ սահմանամերձ համայնքների բոլոր բնակիչներին չեն կարող տեղավորել: Ուստի շատ կարեւոր է սահմանագոտու բնակչությանը քաղաքացիական պաշտպանության վերաբերյալ տարրական գիտելիքների իրազեկումը:
Ոսկան ՍԱՐԳՍՅԱՆ
Կարող եք նշել կոնկրետ որ համայնքներում են ռմբաստարաններ կառուցվում?
Նման համայնքներ գիտեմ, սակայն չեմ կարող ասել, որ հետո չմեղադրեն պետական գաղտնիք հրապարակելու մեջ: Նշեմ, որ ամիսներ առաջ Սեյրան Օհանյանը նշեց, որ Տավուշի մարզում 350 ռմբապաստարան է կառուցվել: Ես նման տվյալ չեմ կարող հայտնել:
Հարգելի Ոսկան, ես անցյալ շաբաթ եմ Ոսկեվան գյուղ գնացել, որը Տավուշի մարզի սահմանամերձ բնակավայր է, ու բնակիչները հենց այդ բանից էլ դժգոհում են որ չկա անգամ մի ռմբաստարան և չկա որևէ նախադրյալ որ դրանք կկառուցվեն մի օր: Եթե բնակավայրերը չեք նշում, որ չբացահայտեք պետական գաղտնիք, ինչպես դուք եք նշում, ապա ինչպես եք ընդհանրապես գրել այս հոդվածը նշելով մարզը և հիմնական հաստատությունները? Տավուշի սահմանագոտու բնակավայրերը շատ չեն և շատ հեշտ է ձեր տված ինֆորմացիայի իսկությունը պարզել….
հարգելի Լաուրա, ես ծնունդով Ոսկեվանից եմ եւ լավ գիտեմ այնտեղի վիճակը: Տավուշի մարզի խիստ սահմանամերձ գյուղերը 24-ն են, եւ այս հոդվածում չեմ նշի, թե որ բնակավայրում արդեն կառուցված է ռմբապաստարան, որում՝ ոչ: Նաեւ նպատակ եմ ունեցել ուշադրություն հրավիրել բնակչության կողմից քաղաքացիական պաշտպանության վերաբերյալ գիտելիքների պակասին: