Իսկ դուք ունե՞ք սովորություն գիշերը քնելուց առաջ մի բաժակ ջուր դնել ձեր մահճակալի կողքի սեղանին: Դուք արթնանում եւ խմո՞ւմ եք այդ ջուրը:
Պետք է հրաժարվել այդ սովորությունից. ահա՛, թե ինչու:
Ձեզանից շատերն արդեն նկատել են՝ մի քանի ժամ բաժակում մնալուց հետո ջուրը հնանում է եւ տարօրինակ համ ձեռք բերում: Այս երեւույթն ունի գիտական բացատրություն:
Այն փոխում է իր բաղադրությունը, ինչպես նաեւ համը: Ջուրը չի պարունակում շաքար եւ սպիտակուցներ, այսպիսով՝ այն հեշտությամբ կարող է թիրախ հանդիսանալ մեծ քանակությամբ փոշու, բակտերիաների, մանրէների համար եւ, բնականաբար, աղտոտվել: Դեռեւս չկա ոչ մի բացատրություն, թե ինչից է առաջանում ամբողջ գիշեր մնացած ջրի տարօրինակ համը: Երբ ջուրը բաց մնալով ենթարկվում է օդի ազդեցությանը, այն կլանում է ածխածնի երկօքսիդը, եւ այդ CO2-ի մի փոքր մասն է փոխակերպվում ածխաթթվի: Հետեւաբար ջուրը ենթարկվում է փոփոխության. փոխում է իր քիմիական բաղադրությունը, համը եւս, որովհետեւ ածխաթթուն բաց է թողնում մեկ կամ երկու պրոտոն եւ վերածվում է կարբոնատի կամ ածխածնի երկօքսիդի, որն էլ իջեցնում է ջրի Ph-ը:
Կարդացեք նաև
Սա չի նշանակում, որ այդ ջուրը վատ ազդեցություն կարող է թողնել մարդու օրգանիզմի վրա, բայց, անշուշտ, ողջ գիշեր մնալուց հետո փոխում է իր համը՝ հավաքելով օդի բակտերիաներն ու փոշին: Այսպիսով՝ ժամանակն է մտածելու այդ սովորությունից հրաժարվելու մասին:
Պատրաստեց ՆՈՒՆԵ ՂԱԶԱՐՅԱՆԸ
«Առավոտ» օրաթերթ
15.10..2015
